Romanized Urdu
Aah ko chahiye ek umr asar hone tak
Kaun jeeta hai teri zulf ke sar hone tak
Aashiqui sabr talab aur tamanna betaab
Dil ka kya rang karun khoon-e-jigar hone tak
Ham ne maana ke taghaful na karoge lekin
Khaak ho jaayenge hum tumko khabar hone tak
Partav-e-khur se hai shabnam ko fana ki taleem
Main bhi hoon ek inaayat ki nazar hone tak
Yak nazar besh nahi fursat-e-hastee ghaafil
Garmi-e-bazm hai ek raqs-e-sharar hone tak
Gham-e-hasti ka Asad kis se ho juz marg ilaaj
Shama har rang mein jalti hai sahar hone tak
اردو
آہ کو چاہیے اک عمر اثر ہونے تک
کون جیتا ہے تری زلف کے سر ہونے تک
عاشقی صبر طلب اور تمنا بے تاب
دل کا کیا رنگ کروں خونِ جگر ہونے تک
ہم نے مانا کہ تغافل نہ کرو گے لیکن
خاک ہو جائیں گے ہم تم کو خبر ہونے تک
پرتوِ خور سے ہے شبنم کو فنا کی تعلیم
میں بھی ہوں ایک عنایت کی نظر ہونے تک
یک نظر بیش نہیں فرصتِ ہستی غافل
گرمیِ بزم ہے اک رقصِ شرر ہونے تک
غمِ ہستی کا اسد کس سے ہو جز مرگ علاج
شمع ہر رنگ میں جلتی ہے سحر ہونے تک