Dil-e-Nadaan Tujhe Hua Kya Hai

Dil-e-nadaan tujhe hua kya hai

Aakhir is dard ki dawa kya hai

Hum hain mushtaaq aur woh bezaar

Ya ilahi yeh maajra kya hai

Jab ki tujh bin nahin koi maujood

Phir yeh hangaama aye Khuda kya hai

Yeh pari chehra log kaise hain

Ghamza-o-ishwa-o-ada kya hai

Haan bhala kar tera bhala hoga

Aur darwaish ki sada kya hai

Jaan tum par nisaar karta hoon

Main nahi jaanta dua kya hai

Maine maana ke kuch nahi Ghalib

Muft haath aaye to bura kya hai

دلِ ناداں تجھے ہوا کیا ہے

آخر اس درد کی دوا کیا ہے

ہم ہیں مشتاق اور وہ بیزار

یا الٰہی یہ ماجرا کیا ہے

جب کہ تجھ بن نہیں کوئی موجود

پھر یہ ہنگامہ اے خدا کیا ہے

یہ پری چہرہ لوگ کیسے ہیں

غمزہ و عشوہ و ادا کیا ہے

ہاں بھلا کر ترا بھلا ہوگا

اور درویش کی صدا کیا ہے

جان تم پر نثار کرتا ہوں

میں نہیں جانتا دعا کیا ہے

میں نے مانا کہ کچھ نہیں غالب

مفت ہاتھ آئے تو برا کیا ہے