Sitaron Se Aage Jahan Aur Bhi Hain

Sitaron se aage jahan aur bhi hain

Abhi ishq ke imtehaan aur bhi hain

Tahi zindagi se naheen yeh fazaayein

Yahan saikdon kaarwaan aur bhi hain

Qanaat na kar aalam-e-rang-o-bu par

Chaman aur bhi, aashiyan aur bhi hain

Agar kho gaya ek nasheeman to kya gham

Maqaamat-e-aah-o-fughan aur bhi hain

Tu shaheen hai parwaaz hai kaam tera

Tere saamne asmaan aur bhi hain

Issi roz-o-shab mein ulajh kar na reh ja

Ke tere zamaan-o-makaan aur bhi hain

Gaye din ke tanha tha main anjuman mein

Yahan ab mere razdaan aur bhi hain

ستاروں سے آگے جہاں اور بھی ہیں

ابھی عشق کے امتحان اور بھی ہیں

تہی زندگی سے نہیں یہ فضائیں

یہاں سیکڑوں کارواں اور بھی ہیں

قناعت نہ کر عالمِ رنگ و بو پر

چمن اور بھی آشیاں اور بھی ہیں

اگر کھو گیا ایک نشیمن تو کیا غم

مقاماتِ آہ و فغاں اور بھی ہیں

تو شاہین ہے پرواز ہے کام تیرا

ترے سامنے آسماں اور بھی ہیں

اسی روز و شب میں الجھ کر نہ رہ جا

کہ ترے زماں و مکاں اور بھی ہیں

گئے دن کہ تنہا تھا میں انجمن میں

یہاں اب مرے رازداں اور بھی ہیں